Hatorangan
ni Jamita
MARSITIOPAN
NA TOGU
TU
PARHAGIOT NI TUHAN
|
Minggu, 12 Pebruari 2017
Minggu Septuagesima
|
|
Jamita : Masmur 119:1-8
Sibasaon : 1 Korintus 3:1-9
|
PATUJOLO
Mazmur ponggol 119 on sada buku napaling gok
ayat na pola 176 ayat, tarbagi ma on 22 bagian/stanza gabe 8 ayat. Mangihutkon
hasomalon mazmur di pakai si Daud laho mangajari Salomo dihatiha hamanahonna
laho patogu haporsayaan na tu Tuhan Debata.
Ayat 1-8: Gambaranna pataridahon taringot tu
biado carana halak bisa mandapot hasonangan/job ni roha nasesuai dohot hagiot
ni Tuhan. Ayat 1-3; iman a pabotohon tua ni halak namangihutkon hagiot ni Tuhan
Debata. Ayat 4: Pataridahon hapantunon ni halak tu hasintongan. Ayat 5-6:
Pabotohon ni untung ni halak na mangolu mangihutkon hagiot ni Tuhan. Ayat 7-8:
Gambaran ni ngolu nasai mangolu di bagasan hasintongan jamita on patorangkon
halak na sintong ima halak nasai mangkangoluhon tona ni Tuhan. Angka halak
nasonang on na nidok namartua (Ayat 1-3). Napasti holan diteori/pandohan momo
do i botoon tapi muda didok mangkarejohonna ima karejo naummaol tapi najelas
sai mangkangoluhon hagiot ni Tuhan sai tongtong do i di jagohon Tuhan.
Hatorangan ni Jamita.
Sian sude Mazmur 119:1-8 Adong piga-piga hal na
porlu siparrohahononta di mandalani ngolu on:
Sude do
halak marhagiot sonang/job ni roha.
Dapot do pastihononta sude halak di tano on
marhagiot ngolu nasonang, tapi bisa do nagabe ukuran na masa dingoluon hasonangan ima holon
namamikiri na adong di portibion tarmasuk ma i di haadongan sihumisik; hepeng ;
harto nagok, pangkat, hakuasoon dohot naasing.
Pangastuion na songon i holan na bisa di ida si
manolong ni hajolmaon. Harani marhite turpukkon
Tuhan mangalehen ukuran na beda sai tawaran na adong diportibi on.
Ukuran/standar ni halak na marjob ni roha mangihutkon Tuhan ima halak na sai ra
marpangoloion tu Tona ni Tuhan, halak na sai
manjalahi Tuhan, mangolu di bagasan habuluson dohot hajujuronna lumobi mai inda mandohoti angka pangalaho
najahat. Jotjot gabe persoalan di hita jolma standar/ukuran dia do na
tapake dingolunta? Adong do i na mamake
bahkan mambuat prinsip na manghalalkan segala cara anso mandapot haasonangan
marhite harto, pangkat/hakuasoon dohot na asing jana on ma mambaen jolma gagal
lalu tu parhagiot ni Tuhan. Tuhan marhite Pemazmuron ma na padamoskon tu hita
anso jolma mangalalui/mangkojar hasonangan na sasintongna. Hasonangan i inda
holan berlaku di hatiha di tano on tapi dohot do di hatiha so diportibion hita.
Hita ma
halak na sintong.
Halak na marhasonangan/ marjob ni roha
mangihutkon Tuhan i ima halak na mangolu di bagasan hatigoran/hasintongan.
Portibi mangalehen pangastuion hasintongan bahaso halak na sintong ima
sasahalak na makmur parngoluon na harani si baenonna adong, cukup inda marhahurangan
di sude haporluon. Adong muse idaon parobanonna badia botul ma halak na hape
kenyataan na di pudi na mangalanggar uhum, muda songon i do na talului dingoluon,
antong hobas ma hita dinapaintehon Tuhan pataridahon parhagiotNa tu
ngolunta harana sude gabus dohot napasuman-sumankon hataridaan dohot di
ujungna. Dihatihaon di ajak do hita parayakkon dirinta be mangaligi hasintongan
nahot na maroban hita tu hasonangan na sasintongna (bdk.Joh.14:6). Marlapatan
ma i halak na mangolu di bagasan Jesus
ima hasonangan/job ni roha na hot. Gabe ima hasonangan namaroban ngolunta di
bagasan siganop ari, dihatiha berkarya hita di maradopkon
keluarga,diparsaoranta bope di tuturkata
maradopkon nasada dohot naasing, diparkarejoanta be na marragan rupo i bope diakka
pakkobasionta diporlak anggur ni Tuhan i.
Jalahi
ma Tuhan i
Di zaman sannari nanidok globalisasi/modern on,
umkompak noma halak dohot benda kecil nacanggih na nidok ma i telepon pintar (Smart
phone). Sian namar sms, mangkatai, mambege ende, manonton film, bersosialisasi,
manjalahi barita, mar game gok dope akka na asing-asing hombar tu menu nadung
adong di hand phone canggih i. Aha ma na tarjadi sian benda na menek i? Natar
jadi ima sude halak madung sibuk dibaen benda na menek i naso pola manghaporluhon
ari-ari nalaho manjalahi parhagiot ni Tuhan
tapi harani kecanggihan na adong
dibagasan hp i lalap do jolma inda makkarejohon hagiot ni Tuhan, lupa tu tona
na 10 i, inda pabadiahon Tuhan, margabus, manakko, markarosuan, marimpol niroha
dohot sian na asing dope... Sugari marsapa ma Tuhan tu jolma : Andigan do
hatihamu manjalahi Au? Sadar sanga inda
sadar hita dibagasan gaya modern on ima laho pasompit hatiha/tingkinta marsaor
dohot Tuhan i. Tapi ma tikkinta laho mangharinghotkon Tuhan huhut manghargai
zaman modern on na pataridahon haburjuonta laho marsibuk anso tongtong
hadirionta gabe tongtong hot di bagasan galauna ngolu ni zaman modern sisannari on.
Hahonaan/Aplikasi-Panutup
Hita nadung dihaholongi Tuhan. Taparrohahon
madenggan. Aha pe sanga ise pe sian hita on na manggontihon posisi ni Tuhan
sian rohanta gabe tuna asing na adong
diportibi on ima na patuduhon halak sisongoni gabe sipelebegu/berhala. Harani
manat-manat/jamot hita diakka na takarejohon muda inda harani na
napabadiahon Tuhan do na takarejohon di
ngoluon na so manghangoluhon tona na 10 i di ujungna inda lalu hita ngolu
hasonangan /job ni roha na sasintongna tapi muda togu do hita marsitiopan na
togu tu parhagiot ni Tuhan i ima parhitean hatutulus ni jamita Na Denggan i
gabe namanungguli dohot napatoguhon haporsayaanta( Tabasa Poda 3:5-17).Amen
Pdt.Pardamean
Siregar,S.Th
Pandita GKPA
Resort Aek Bingke
===================================
Hatorangan
Ni Sibasaon
OJAHON
NI HAKRISTENON
|
Minggu, 12 Pebruari 2017
Minggu Septuagesima
|
|
Jamita : Masmur 119:1-8
Sibasaon : 1 Korintus 3:1-9
|
Patujolo.
Mangihutkon sejarah bahat do na so denggan di
Huta Korintus, bahat naso maraturan, hurang dimpos na marhaporsayaan tu Tuhan,
inda adong sitiruon sian angka na mangkarejohon na denggan bope sian angka
orangtua, dewasa dna...sursar paradaton/hasomalon nadenggan, sursar parugamoon,
sursar bope sude angka na pangalaho na denggan... masa na songon i harani
pengaruh ni ribur ni Korintus, huta
pardomuan ni angka saudagar, angka toke alias halak na kayo-kayo parhepeng, harani
riburna bahat ma na marpangalaho dohot pambaenan na holan mangkarejohon na
denggan bope sain angka orangtua, dewasa dna.... sursar paradapon/ hasomalon
nadenggan, sursar parugamoon, sursar dope stude angka na pangalaho na
denggan.... masa na songon i harani pangaru ni ribur ni korintus, huta
pardomuan ni angka saudara, angka saudara, angka toke alias halak na kayo-kayo
parhepeng, harani niriburna bahat ma na marpangalaho dohot pambaenan na holan
mangkarejohon hagiot ni pardagingon ni hajolmaonna. Tapi inda holan huta Korintus
on bahat do disi halak na pistar parsikola na gincat, pande bisuk na nidok par
filsuf harani, angka nai sai holan mangondolhon habisuhonna, namamodahon na
tutu muda domu tu rohana domu muse bahat do ragam ni ugamo disi, marragam i ma
haporsayaan, marjongjongan ma inganan parsombaan sian ragam ni ugamo/sekte.
Isi/ Jamita-Hatorangannan-Panimpulina
Surat panyosoion ni Apostei paulis tu Korintus on
na paboahon dohot patangkaskon ngolu anso saroha jana sapanjagiton mas ude
halak na porsaya i tu haroro ni angka parjamita di parlagutan i anso ulang
adong parbolat-bolatan na mambaen sego parlagutan i. Situasi kondisi na masa di
parlagutan Korintus bahat keberpihakan sebelah pihak diujungna gabe diuduti angka
tukang na asing muse laho pasidungkonna. Jadi marragam rupo do bentuk na,
modelna. Maksud ni si Paulus di nanidokna songon ima Parlagutan i. Ojahanna
holan sada do ima Jesus Kristus ulu ni Parlagutan i. Bahat pe halak na pistar,
na bisuk, marragam parugamoon, bahat
hasomalon adat na adong di portibion inda i nagabe ojahan ni haporsayaan na
sintong tu Jesus Kristus. (bdk.1 Kor 1:19-21, 1 Kor 2:9, 1 Kor 2:30, 1 Petrus
2:4) Jesus Kristus do ojahan /hajongjongan ni Parlagutan i. Nada sarupo Parjongjong ni Parlagutan ni
halak Kristen di portibion. Tutu bahat do punguan najongjong jala tadohoti do
i. Adong do punguan ni parmargaon, parsahutaon, adong muse punguan na di
karejohon di ragam na asing-asing i. Jadi, parjongjong ni Parlagutan i nada
songon parjongjongni punguan na taboto lumobi diangka humaliangta. (Joh.15:16;
Epesus 4:15).
Jesus Kristus do Ojahan ni hakaristenonta,
ojahan ni parlagutan songon hatopan ni halak Kristen, ojahan ni haporsayaan tu
Debata. Madung dipataridahon diriNa dohot pambaenanna tu portibi on bope tu
hajolmaon. Sude do di patupa Debata dalam haluan ni hajolmaon marhite Jesus
Kristus. Marragam rupo do ruhut-ruhut na tarida dihakristenonta, umpamana
parmingguonta, ende-endetta mamuji Debata, ragam di hasomalon na takarejohon di
parlagutan i, tapi bope marragami sudena holan sada ojahanta ima Jesus Kristus.
Ido impola na di baritahon ni Apostel Paulus di bagasan jamita on, anso
dibagasan hasadaon sude di laho pasangap
Debata marhite ngolu ni parlagutan. Sude halak Kristen angkon saroha do, sada
haporsayaan. Sada pangakuan. Unang ma adong nian halak Kristen na sada dohot
Kristen na sada na i, sanga parlagutan
nasada dohot parlagutan nasada nai marsitilakoan, marsihosoman dna....
siarsakhonon do pangalaho na songoni muda masa di parlagutan i adong ma
parbolat-bolatan na marpihak antara ruas an dohot siadui, antara parhalado sion
dohot si anu, on do na botul ondo na sala ujung na marragam ma dalan na manyego
i parsaoran na denggan di parlagutan i di bagasan na sahabanan nadung dipili
dipio Debata parlagutan di portibi on laho manyaksihon dohot mambaritahon Jesus
di ngolu di ha Kristenononta ganup.
Paulus mangondolkon di bagasan ngolu ni parlagutan i Tuhan na paradehonna na
patukkon dohot na gabe ojahan tu hasadaon
na marsihaholongan ruas ni parlagutan bope na marasing marlagut,
parkarejoan latar belakang hangoluanta be anso marhite di bagasan pangaluhonon
ni angka mangkarejohon mangkobasi sian angka pangula/parhobas di tonga-tonga ni
parlagutan murtangkas Jesus do na baritahon nada keberhasilan/kegagalan ni pangula na
taidolahon di parlagutan. Di bagasan panandaion na songoni magabe tarida
hasadaon tu hamajuon ni Parlagutan inda marnida horong, marga si adui si anui tapi
dibagasan sahaporsayaan lao marsijagitan na sada tu nasada nari di pargogoi
parlagutan parhalado/pangula na mangkobasi parlagutan tujuan na pasangap Debata
dohot ruas ni parlagutan songon na nidok ni Paulus di ayat 9 i “tapi anggo hamu kobun ni Debata do dohot
bagas ni Debata”... Ruas nara marsijagitan malaho tujuan na denggan di
parlagutan i harana Jesus Kristus do ulu
ni parlagutan anso Jesus Kristus na dung
mangalehen hasadaon dohot hadameon dohot job ni roha di ngolu ni haKristenonta
songon hata ni Endenta BEA No. 414:1-3
Amin.
Pdt. P. Siregar
Pandita Resort
Aek Bingke
No comments:
Post a Comment