Kotbah: Minggu, 5 Pebruari 2017 - I Korintus 2:6-16

Hatorangan ni Jamita

MANGASAHON HAMALOAN NI KRISTUS

DI NGOLU SATIOP ARI

 

č

 Minggu Ephipanias

Jamita : I Korintus 2:6-16

Sibasaon : Masmur 112:1-10

I.           PATUJOLO

Parlagutan Korintus sian segi pola pikir bahat do di pengaruhi situasi parngoluon na majemuk (marragam rupo). Harana Korintus termasuk do sada luat na strategis, berkembang secara ekonomi jala pusat pardangangan na manjadi tujuan pangarantoan ni bahat halak na adong diluar ni kota Korintus. Jadi marragam budaya, adat, hasomalon,  dohot perbedaan ni sosial ekonomi manjadihon halak Korintus, termasuk halak Kristen terpengaruh tu pangalaho na jat:  mangandalkon habisuhon ni portibi, egois jala hurang peduli tu dongan. Bahkan bahat tarjadi parsalisian, parbolat-bolatan harani hasomalon na berbeda-beda dohot pola pikir duniawi na manguasoi roha dohot pikiran ni parlagutan Korintus. Maol jumpang hataridaan ni halahi sebagai si ihutkon Kristus na ingkon gabe tiruan di humaliang. Termasuk mungkin harani naso bagas dope parbinotoan ni halahi taringot tu Kristus dohot kuaso-Na, jana songon dia cara hidup na seharusna sian halak na dung mangihutkon Kristus. Ido aso di paingot jala dipatorang si Paulus tu halahi marhite-hite turpuk on anso di pangasahon halahi Kristus di ngolu setiap ari, dilibathon halahi Kristus, dipake halahi bisuk nasian Kristus jala diboto halahi songon dia do ngolu ni sada halak na dikuasoi bisuk na sian Kristus.

II.         HATORANGAN NI TURPUK

Naparjolo di ayat 6-8 i di patorang si Paulus do bahaso ponting situtu aso torus hita memperkaya diri, tu hamaloan,habisuhon,hikmat na sian Tuhan. Harupe di pangkilalaanta madung togu haporsayaanta tapi tetap do ingkon marsiajar hita, ringgas manangihon dohot memperdalam parbinotoan taringot tu hamaloan, habisuhon, sanga hikmat ni Kristus (ayat 6).  Harana parbinotoan na bonar tu hamaloan ni Kristus manogu hita tu pangalaho na denggan jala padaohon hita sian pangalaho na oto songon na di baen ni angka jolma na mamparsilangkon Kristus nampuna hangoluan. Hamaloan na sian Kristus mangalehen gogo laho mampartahankon hadirion sebagai si ihutkon ibaNa. Nada terpengaruh tu pengaruh na negatip sian luar tapi justru jongjong sebagai pengaruh na positif tu humaliang jala gabe parsidohot laho manjagit hasonangan na di pasingkop ni Debata sian mulana. Dipaingot si Paulus do bahaso na di boan ni halahi i, nada hamaloan na sian portibi tapi sian Debata do (ayat.13), tujuanna aso togu di tiop halahi na di baritahon ni si Paulus ulang ganggu harani parbinotoan na ro sian parkuaso ni portibi. Angke parbinotoan na sian portibi terbatas jala ra mangaliluhon hita. 

Napaduahon, di ayat 9-12 i lam di patangkas si Paulus do songon dia hauntungan ni halak na mangkaholongi Kristus dohot na markusande tu hamaloan na sian Ibana: ima pasu-pasu na so adong di pengalaman ni jolma portibi.  Aha naso unjung di ida mata, sanga di bege jolma, jana naso jungada dope tubu dibagasan roha ni jolma madung di pasingkop Debata hian i di halak na marholong ni roha di IbaNa (ayat.9). Ahamai?? Tondi panuturi, tondi panogu-noguon, tondi hamaloan na mambaen hita bisa mamboto basa-basa na di sadiahon ni Debata di hita. Tondi na mamboan hita tu panandaion na tutu di Kristus, tondi na mangarajai rohanta laho mampangkilalahon roha ni Kristus dohot haburjuon-Nia. Tondi na manolong hita bisa manjagit dohot marjop ni roha di Kristus.

Tangkas didok di ayat 14, halak naso maruli tondi Ni Debata, nada tarjagitsa di bagasan rohana sanga aha na dipatorang ni Tondi, harana songon haotoon do barita taringot tu Jesus di halahi. Halak naso maruli Tondi ni Debata nada adong disi pangantusion taringot tu hauntungan ni na mangihutton Kristus. Tapi kesombongan, keegoisan, merasa diri paling benar, dohot kuaso ni portibi do na manggohi roha ni halahi. Kebanggaan terhadap diri sendiri, mangandalhon gogo dohot pikirannna sandiri. Hape tangkas didok anggo kuaso ni portibi dohot parbinotoannna terbatas do jala na ra mago. Artina halak na mangandalhon gogona dohot parbinotoannna nang songoni parbinotoan na sian portibi ima  halak na manuju tu hamagoan. Halak na mangolu dibagasan kesia-siaan, jala na mamparsayangkon ari-arina. Inda adong masa depan dihalahi. Angke majelas inda dohot halahi partohap di haluaan na disediahon ni Kristus. Harana haotoan do barita taringot tu Kristus di halahi.

Ido umbaen na di ajak ni si Paulus mangulahi parlagutan Korintus aso diengot halahi perbedaan ni halahi dohot halak na so manjagit Tondi ni Debata dope. Aso diingot halahi bahaso parlagutan ni Kristus do halahi, naung di pabadia, jala naung manjagit pikiran ni Kristus. Dipaengot si Paulus parlagutan Korintus aso bisa halahi manjago status ni halahi sebagai Parlagutan na badia di tonga-tonga ni portbi naso badia jala na gok hasusaan dohot na cenderung mangaliluhon. Ulang terpengaruh tapi justru harus jadi Pengaruh. Harana madung dilehen Debata tondiNia, jala madung dijagit halahi. Tondi ni Debata i ma na mengontrol dohot manogu-nogu, mangajari, paingotkon dohot na mampargogoi . songon na tangkas didok di ayat 15 i: “Sanga ise na maruli Tondi ni Debata, i do na mangastui arti ni sasudena i tapi anggo ia sandiri nada tardodo sanga ise pe”. Artina Tondi ni Debata mangalehen dihita hamaloan, bisuk, hikmat laho mangastui roha ni Debata jala manjaga sekaligus melindungi hita sian angka roha na jat, pikiran na jat dohot pangalaho na jat.

Na terakhir di ayat 16 i di paingot si Paulus do aso adong di halak na porsaya roha ni Kristus. Harana molo adong do roha ni Kristus di halak na porsaya gabe adong do nang haradeon laho marsiajar mangadopi krisis ni parngoluan berdasarkon teladan dohot pola pikir ni Kristus dibagasan ngolu satiop ari. Adong gogo inda sekedar bertahan tapi jadi teladan di tonga-tonga ni halak na so porsaya dope. Inda terpengaruh tapi menjadi pengaruh na positif. Na patuduhon dalan na tigor tu angka na lilu. Mangalehen parbinotoan tu angka na dibagasan hatoan. Jala mangalehen hamubaon ni roha tu angka na dilinggomi ni hagolapan.

III.       PANGARIMPUNAN

Kondisi ni parngoluon na masa di Korintus, inda dao bedana dohot kondisi ni ngolu di hatihanta saonnari. Halak na mangaku porsaya dohot si ihutkon Kristus lebih cenderung marpangalaho songon halak portibi. Mangandalhon pikiran dohot gogona sandiri jala nadong hataridaan ni status nia sebagai si ihutkon Kristus. Momo di pengaruhi tu pangalaho na so dihagioti ni Debata. Parbolat-bolatan, parsalisian, marhadatuon, dohot pangalaho ni portibi na asing mendominasi ngolu ni angka na porsaya.  Keegoisan, kesombongan, merasa diri paling benar menjadi sesuatu na biasa jala diterima sebagai bagian na wajar. Halak na porsaya hanyut tu hasomalon ni portibi, kehilangan kemampuan laho patuduhon perbedaan sikap ni halahi sebagai na porsaya. Bahkan pelaku kejahatan bahat di karejohon angka na mengaku porsaya, sehingga nilai baik ni Hakaristenon menjadi kabur (tidak jelas). Jala kemurnian ajaran na denggan na diboan ni Jesus menjadi pudar.

Na lebih memprihatinkan lagi, penyakit rohani juga menjangkiti para pemangku amanah sanga pejabat gerejawi. Justru para pejabat gereja, songon: sintua, pandita, dll yang terlibat dalam kepengurusan gereja justru lebih duniawi. Saling membenci, saling menuduh, berselisih, bahkan tidak sedikit yang memakai cara-cara dunia untuk memperkaya diri dan mengatasi masalah pribadi. Teladan Kekristenan jala parbue ni hadirionna sebagai pengikut Kristus inda adong tarida. Harani I, marhite-hite turpuk on di paingot do hita tu piga-piga hal:

1.       Aso taingot ma mangulahi statusta sebagai si ihutkon Kristus na dung di pabadia, jala na ingkon mangolu di bagasan habadiaon di tonga-tonga ni portibi na so badia jala na terus berusaha mangotori habadiaan ni angka na dung di pabadia ni Debata.

2.       Aso tapatidahon ma parbue ni na sihutkon Kristus do hita dohot nadung manjagit holong ni roha ni Kristus marhite: na marroha holong, peduli, inda mayarihon diri sandiri, toruk marroha, jala setia mangalaksanahon parenta ni Kristus di sude situasi ni ngolu. Inda mamake cara-cara ni portibi jala inda mangasahon gogo dohot pikiran sandiri laho mengatasi hamaolon ni ngolu.

3.       Tongtong dibagasan tondi ni Debata, angke tondi ni Debata mangalehon di hita bisuk hapistaran, hamaloan dohot gogo laho mandalani ngolu di bagasan hatigoran. Tondi ni Debata mangajari, manuturi, manogu-nogu hita tu pangalaho na terus sesuai tu hagiot ni Debata.  Jala tondi ni Debata paboahon tu hita angka tahi ni si bolis na giot manyegai hita, sehingga tongtong hita jonggor, nada terlena apalagi hanyut tu hagiot ni si bolis dohot panguaso ni Portibi.

4.       Na parpudi, jala na ponting sikalalu sitioponta dung Tondi ni Debata: ima aso adong ma dihita roha ni Kristus. Harana roha ni Kristus ima roha naias, na torus manyimpan tahi na denggan di rohana taringot tu hita, na mangarencanahon hamajuon, namangalungunton haulion dohot hasonangan di ngolunta. Roha ni Kristus ima roha na gok asi ni roha laho paturehon, padenggankon dohot manggobahi angka na sego harani parngoluon na borat. Roha ni Kristus ima roha na penuh pengertian dohot kesabaran. Roha ni Kristus ima roha na togu marsitiopan tu habonaran, jala naso jungada ganggu tu pengaruh ni sanga aha pe. Roha ni Kristus ima roha na marasihon angka na denggan, ias jala bonar. Jadi molo adong di hita roha ni Kristus, gabe margogo mahita, mangolu dibagasan habadiaon, teladan dohot togu dibagasan pangalaho na hombar tu lomo ni roha ni Kristus. Dungi, gabe adong ma di hita hamaloan na sian Kristus, jala i ma na gabe modal di hita laho mardalan tampil beda ditonga-tonga ni portibi nadung mulai manuju tu hamagoanna, dengan penuh percaya diri tanpa terombang-ambing oleh pengaruh dunia. Tapi togu marsitiopan tu Kristus jala jadi teladan. Antong, martua ma na mangasahon hamaloan na sian Kristus laho mardalan di ngolu satiop ari. Amin!

Pdt. Novalina Batubara

Resort Pahae